इंदापूर तालुक्यातील कडबनवाडी येथील घटना
पुणे: आज सोमवार, 25 जुलै रोजी सकाळी 11:20 ते 11:25 वाजेदरम्यान कारवार एव्हिएशन बारामती यांचे शिकाऊ विमान कडबनवाडी (ता. इंदापूर,) जि. पुणे गावचे हद्दीत कोसळले. यामध्ये एक शिकाऊ महिला उमेदवार भाविका राठोड (वय २२ वर्ष रा. पुणे) या किरकोळ जखमी झाल्या आहेत.
कारवार एव्हिएशन बारामती यांचे शिकाऊ विमान हे इंधन संपल्यामुळे कडबनवाडी गावचे हद्दीत कोसळले. भविका राठोड या किरकोळ जखमी झाल्या असून त्यांना औषधोपचारासाठी नवजीवन हॉस्पिटल, शेळगाव येथे दाखल करण्यात आले आहे. या अपघातात इतर कोणत्याही प्रकारची हानी झाली नाही. घटनास्थळी कारवार एव्हिएशन बारामती यांचा स्टाफ तातडीने पोचला असून योग्य बंदोबस्त घटनास्थळी ठेवला असल्याची प्राथमिक माहिती प्रशासनाच्या वतीने देण्यात आली.