१ व ५ डिसेंबरला मतदान; ८ डिसेंबरला मतमोजणी
नवी दिल्ली: केंद्रीय निवडणूक आयोगाने आज गुरूवारी (३ नोव्हेंबर) पत्रकार परिषद घेत गुजरात विधानसभा निवडणूक कार्यक्रम जाहीर केला. यानुसार गुजरात विधानसभा निवडणूक दोन टप्प्यात होणार आहे. पहिल्या टप्प्यातील मतदान १ डिसेंबरला, तर दुसऱ्या टप्प्यातील मतदान ५ डिसेंबरला होणार आहे. तसेच निकाल ८ डिसेंबरला जाहीर होणार आहे. विशेष म्हणजे हिमाचल प्रदेश आणि गुजरात निवडणुकीचं मतदान वेगवेगळ्या दिवशी होणार असलं तरी निकाल एकाच दिवशी घोषित होणार आहे.
गुजरात विधानसभा निवडणूक कार्यक्रम – पहिला टप्पा
नोटिफिकेशन – ५ नोव्हेंबर
उमेदवारी अर्ज अंतिम तारीख – १४ नोव्हेंबर
अर्जांची छाननी – १५ नोव्हेंबर
उमेदवारी अर्ज मागे घेण्याची शेवटची तारीख – १७ नोव्हेंबर
मतदान – १ डिसेंबर
दुसऱ्या टप्प्यातील मतदान- ५ डिसेंबर
निकाल घोषित- ८ डिसेंबर.