वॉशिंग्टन: अमेरिकन राष्ट्राध्यक्ष पदाच्या निवडणुकीत जो बायडेन यांनी दणदणीत विजय मिळवला. हा डोनाल्ड ट्रम्प यांच्यासाठी मोठा धक्का आहे. आता अमेरिकेच्या राष्ट्राध्यक्ष पदावरून डोनाल्ड ट्रम्प यांना पायउतार व्हावं लागणार आहे.
डोनाल्ड ट्रम्प यांना आणखी एक धक्का बसण्याची शक्यता आहे. डेली मेल या वृत्तपत्रानं डोनाल्ड ट्रम्प यांना मेलेनिया ट्रम्प घटस्फोट देण्याच्या तयारीत असल्याचं वृत्त दिलं आहे.
डोनाल्ड ट्रम्प आणि मेलेनिया ट्रम्प यांच्यात 15 वर्षांपूर्वी सुरु झालेलं नातं संपुष्टात येत आहे. दोघांच्या नात्याला तडा गेला आहे. व्हाइट हाउसमध्ये गेल्या काही दिवसांपासून डोनाल्ड ट्रम्प आणि मेलेनिया ट्रम्प वेगवेगळ्या खोल्यामध्ये वास्तव्यास आहेत. डेली मेलनं या संदर्भात वृत्त दिलं आहे. दरम्यान, डोनाल्ड ट्रम्प यांचे राजकीय सहयोगी ओमारोसा मॅनिगॉल्ट न्यूमॅन यांनीही दोघांच्या नात्यात तडा गेल्याचं म्हटलंय.