औरंगाबाद: सीटूचे ज्येष्ठ नेते, ज्येष्ठ उपाध्यक्ष आणि कामगार चळवळीतील लढाऊ नेते काॅम्रेड ऊध्दव भवलकर यांचे आज कोरोनामुळे निधन झाले.
औरंगाबाद जिल्ह्यात, मराठवाड्यात सीटू संघटना मजबूत करण्यासाठी व कामगार चळवळ धारदार बनवण्यासाठी काॅम्रेड भवलकर यांचे योगदान लक्षणीय होते. ते लढाऊ कामगार नेते होते. शेतकरी- कामगार- शेतमजूर यांची एकजूट झाली पाहिजे यावर त्यांचा भर होता. त्यांच्या निधनाने सीटू, कामगार चळवळ व डाव्या चळवळीची हानी झाली आहे.