पुणे : हडपसर सय्यद नगरमध्ये कोरोना पॉझिटीव्ह रुग्ण आढळल्याने त्याच्या संपर्कामध्ये असलेल्या सहा जणांना वानवडी पोलिसांनी तपासणीसाठी रुग्णालयात पाठविले आहे. काल शुक्रवारी रात्री नायडू हॉस्पिटलच्या हेल्पलाईनला कॉल करून बोलावून घेऊन या नागरिकांना पुढील उपचारासाठी पाठविण्यात आले. दरम्यान, रामटेकडी झोपडपट्टीमधील लोकही त्यावेळी सोबत होते हे समजल्यानंतर वानवडी पोलिस रामटेकडी येथे गेले. पोलिसांनी संबंधित नागरिकांना स्वतः ची तपासणी करून घेण्यासाठी सांगितले तेव्हा ते तयार झाल्यावर त्यांनासुद्धा नायडू हॉस्पिटलमध्ये पाठविण्यात आल्याचे वानवडी पोलीस ठाण्याचे पोलीस निरीक्षक (गुन्हे ) सलीम चाऊस यांनी सांगितले.