औरंगाबाद: डॉ. बाबासाहेब आंबेडकर मराठवाडा विद्यापीठाचा ६२ वा वर्धापनदिन रविवार, २३ ऑगस्ट रोजी साजरा झाला. या निमित्त मुख्य इमारतीसमोर कुलगुरू डॉ.प्रमोद येवले यांच्या हस्ते सकाळी ९ वाजता ध्वजारोहण करण्यात आले.
यावेळी प्र-कुलगुरू डॉ.प्रवीण वक्ते, कुलसचिव डॉ.जयश्री सूर्यवंशी यांच्यासह संवैधानिक अधिकारी, अधिकारी प्राध्यापक, कर्मचारी उपस्थित होते. सध्याच्या कोरोना साथीच्या पार्श्वभूमीवर फिजिकल डिस्टन्सिंग पाळून हा कार्यक्रम घेण्यात आला. कार्यक्रमापूर्वी भारतरत्न डॉ.बाबासाहेब आंबेडकर व महात्मा फुले यांच्या पुतळ्यास पुष्पहार अर्पण करण्यात आला.