टी-शर्ट फाटलेल्या आणि दयनीय अवस्थेतील व्हिडीओ सोशल मीडियावर व्हायरल
पुणे: वादामुळे कायम चर्चेत राहणारे कन्नडचे माजी आमदार व केंद्रीय राज्य मंत्री रावसाहेब दानवे यांचे जावई असलेले (आता त्यांनी पत्नीशी वैवाहिक संबंध तोडले असल्याचे जाहीर केले आहे.) हर्षवर्धन जाधव यांना पुण्यात एका व्यक्तीला मारहाण प्रकरणी अटक करण्यात आली आहे. अटक केल्यानंतर हर्षवर्धन जाधव यांचा एक व्हिडीओ समोर आला आहे. टी-शर्ट फाटलेल्या आणि दयनीय अशा अवस्थेतला हा व्हिडीओ सोशल मीडियावर व्हायरल झाला आहे.
पुण्यात एका दाम्पत्याला मारहाण केल्याप्रकरणी माजी आमदार हर्षवर्धन जाधव आणि त्यांच्यासोबत असलेली इषा झा या दोघांविरोधात पुण्यात खूनाचा प्रयत्न केल्याचा गुन्हा दाखल दाखल करण्यात आला होता. चतुश्नूंगी पोलीस ठाण्यात हा गुन्हा दाखल करण्यात आला होता. याबाबत अमन अजय चड्डा यांनी फिर्याद दिली होती. दरम्यान, पोलिसांनी जाधव यांना अटक करून न्यायालयात हजर केले असता शिवाजीनगर न्यायालयाने त्यांना दोन दिवसांची पोलीस कोठडी सुनावली आहे. या प्रकरणाची सुनावणी 18 डिसेंबर रोजी होणार आहे.
किरकोळ अपघाताच्या वादातून जाधव यांनी जीवघेणा हल्ला केल्याचा आरोप अमन अजय चड्डा यांनी केला आहे. त्यानंतर त्यांना शिवाजीनगर कोर्टात हजर केले असता न्यायालयाने त्यांना दोन दिवसांची पोलीस कोठडी सुनावली आहे. 18 तारखेला परत या प्रकरणावर सुनावणी होणार आहे. विशेष म्हणजे अटक केल्यानंतर हर्षवर्धन जाधव यांचा एक व्हिडीओ समोर आला आहे. टी-शर्ट फाटलेल्या आणि दयनीय अशा अवस्थेतला हा व्हिडीओ सोशल मीडियावर व्हायरल झाला आहे.